| राजकीय मौलाना आजाद मैमोरियल महाविद्यालय, जम्मू दे डोगरी विभाग पासेआ प्रिसिंपल डाॅ गुरदेव सिंह रकवाल हुंदे निर्देशन च 08-02-2022 गी '' कोरोना थमां वचाऽ'' विशे पर आनलाइन निबंध लेखन प्रतियोगिता दा आयोजन कीता गेआ। जोह्दे च डोगरी विभाग दे लगभग 14एं छात्र-छात्राएं भाग लैता। विद्यार्थियें अपने निबंधें च कोरोना ते कोरोना थमां वचाऽ बारै विस्तार कन्नै अपने विचार रक्खे। प्रतियोगिता च पैह्ला स्थान सेमेस्टर – इक दे सूनील कुमार ने हासल किता , जदके त्रिये सेमेस्टर दी सोनाक्शी गुप्ता ने दूआ ते पंजमें सेमेस्टर दे शुभम कमार ने त्रिया थाह्र प्राप्त किता । कार्यक्रम च स्वागत भाशण डॉ जोगिंदर सिंह, (अध्यक्ष, डोगरी विभाग) ते धन्नवाद प्रो. नाज़िया चौधरी आसेआ दित्ता गेआ। |
